هدا واحد الكوافور ضعيف ما عندو صحة دخل عليه واحد القلدة قاليه قرع لي مول الكوافور خاف قاليه واخ نقرع لحبيبي كول السمن معا لعسل … فاش كمل ليه قاليه خلصني ضار فيه القلدة قاليه سير دبا نصمك بوك قاليك خلصني مول الكوافور خاف او مشا سد المحال ديالو على القلدة أو طل عليه من التقبة ديال الباب قاليه بقا بوك تم حتى تغوفل.
حلاق حمق:
واحد الحلاق حماااااق تايحسن لواحد هو يقول ليه واش بغيتي هاد لودن (ادن) داك لي تايحسن سحابو غير تايضحك معاه هو يقول ليه لالا مبغيتهاش هو يقطعها ليه بلمقص هو يلوحها فزبل عاود قاليه الحلاق او هاد لخرى بغيتيها . خاف ليقطعها ليه حتى هي هو يقول ليه ايه ايه بغيتها . هو يقطعها ليه او عطاها ليه فيديه.
بولحية:
هادا واحد بولحية بغا يسكر وعندوا غير 2دراهم اش غايدير..مشا شرى موس ديال الحلاقة…ودخل للبار…ارى ويسكي ..والحاضرين كاملين يسكروا على حسابي …لمهم شربوا وعاودو..وبقاو كايغوتوا ..العز بو لحية..لعز بولحية ..مشا دخل لطواليط وجبد داك الموس
ديال الحلاقة وكرط وجهو..وخرج حتاهو كيقول..العز بولحية..لعز بولحية.
الضو الحمر:
هادا واحد سكران حرق الضو الحمر وقفو البوليسي وقال ليه: آ سي راك دزتي ف الضو الحمر قال ليه السكران: وماشي شي حمورية نيت.
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,
مبوق سول صاحبو: شحال ف الساعة؟
قال ليه صاحبو: الخمسة وخمسة
قال ليه المبوق: ما تعرفش تقول عشرة؟
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,
هادا واحد صيفت ولاد يعيشوا مع عائلة ميريكانية باش يتعلموا الانجليزية
ملي داز عام، مشى الراجل للميريكان يجيب ولادو
دق على دار العائلة الميريكانية، و حلات ليه المرا الباب
قال ليها بالانجليزية : where are ze childrens?
قالت ليه بالدارجة : دخل دخل، راهوم كينقزو ف الجردة بحال القرودا
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
ثلاثة ديال الكسالى مشاو يدوزو امتحان. ملي سالاو، كل واحد سول لاخور آشنو دار
الاول قال ليهوم: أنا خليت الورقة خاوية
التاني قال ليهم: حتى أنا خليتها خاوية
الثالث قال ليهم: صافي مشينا فيها، ملي كلنا دايرين بحال بحال غادي يعرفونا تناقلنا. عولو على السقوط
,,,,,,,,,,,,,,,,,,,,,,,,,,,,,,,,,,,,,,,,,,,,,,,
واحد مكلخ كيقرى صفحة الوفيات ف الجورنال
وكيقول: يا ربي ما نلقاش سميتي هنا، يا ربي ما نلقاش سميتي هنا
,,,,,,,,,,,,,,,,,,,,,,,,,,,,,,,,,,,,,,,,,,,,,,,
سولو واحد المبوق: علاش العروسة كتلبس كسوة بيضة، والعريس كيلبس كومبلي كحل؟
قال ليهم: حيت المرا كتضوي للراجل حياتو، والراجل كيحل على المرا عيشتها
,,,,,,,,,,,,,,,,,,,,,,,,,,,,,,,,,,,,,,,,,,,,,,,
مبوق تضارب مع واحد الشارف وناض كعى عليه مزيان
الغد ليه مشى المبوق للمقبرة وعلق فيها التصويرة ديال الشارف مكتوب تحت منها: انتظروه قريبا
,,,,,,,,,,,,,,,,,,,,,,,,,,,,,,,,,,,,,,,,,,,,,,
هادا واحد ديما كيكمي جوج ݣاروات
واحد النهار سولو صاحبو: علاش ديما كتكمي جوج ݣاروات؟
قال ليه لاخور: واحد ݣارو ديالي، وواحد ديال خويا اللي ف الحبس
واحد النهار هاداك السيد بان ليه الكماي كيمكي غير ݣارو واحد
وهو يسولو: صفي خرج خوك من الحبس وما بقيتيش كتكمي ليه؟
قال ليه الكماي: لا، غير أنا اللي ما بقيتش كنكمي